På styremøte 5.9 gjorde Holm Erik og Bjarte greie for det nye som har skjedd i hallsaka.

Me må gå stegvis fram. Først må det bli klart om ein boblehall(som er det me går for), vil passa inn i det fysiske miljøet på Saghaugen, om naboar har noko å innvenda, evt støyproblem i samband med drifta, osb.

Når dette er positivt klarert må me ta arbeidet med å få finansieringa i orden. Totalkostnaden ligg på 1.6 mill, og me reknar med ein kombinasjon av kommunal stønad, banklån(evt sponsing), eigeninnsats og framtidig inntekt på drifta.

Om alt dette går i boks kan me ha hallen klar før jul, iflg Bjarte, som brenn sterkast for dette prosjektet.

Elles drøfta styret korleis me skal bruka timane våre i Rackethallen i haust og vinter. Mykje av tida vil gå til kurs og trening, men det bør bli plass til seriespel for dei ivrigaste. Me vil invitera til fordelingsmøte snart.

Styret