Det har vore ein strålande tennisdag, jamne og lange kamper, mange tilskodarar, grillpølse m/brød, juice, frukt osb.

HTK kom på plass kl.11, og straks starta me single 1; Bjarte Skimmeland mot Ingolf Helland. Det blei mange flotte games og ballvekslingar men den lokal spelaren tok med seg begge setta; 6/4, 6/3.  Single 2 var Ron Skjønberg mot John Reidar Johansen. Ron gav sitt beste men motstanderen var for sterk og det blei tap med 6/7, 1/6.

I den 3. singelkampen var det Rune Bekkevold  som debuterte for STK med siger 6/2 og 6/3 og han heldt stabilt og solid spel heile vegen .

Single 4 mellom Bjørn Stokken og Bjarne Pettersen vart ein spennande kamp som vara meir enn 2 timar . Her blei det lange ballvekslingar; Bjørn tapte første sett og låg under 0-4 i andre men kom sterk tilbake og utlikna til à 4, men då henta haugesundaren meir power og tok sigeren med 6/2, 7/5.

Då stod det 2-2 samanlagt og alt tyda på at dobbel skulle avgjera  kampen om pokalen.

1.dobbel spelte Ron og Hans Simon mot Ingolf og John Reidar, men her var haugesundarane for sterke og gode ved nettet og sigra enkelt med sifra 6/0, 6/3.

2.dobbel var Bjarte og Holm Erik mot Arnt/Bjarne; her  var Stord laget klart betre og vann 6/4 , 6/1.

Med resultatet STK - HTK 3-3 kan gjestane frå Haugesund behalda pokalen til hausten. Då vil me ta turen dit igjen og kanskje kan me då ta pokalen heim til Stord?

Me takkar alle som var med og vonar at dette er både start og framhald på ein god tradisjon mellom dei to naboklubbane.

LS/HSD

*******************************************************

Sundag 13.mai, om veret er bra, spelar Stord mot Haugesund på Vikahaugane. Dette er ein "rematch" frå våren 2005, då spelarar frå STK var i Haugesund og spelte klubbkamp der. Då vann heimelaget 4-2(4 singlekampar og 2 double), i eit slags Davis Cup-system. Me vil gjerne ha revansje no, sjølvsagt.

No er haugesundarane inviterte til oss, og skal få prøva det nye fine banedekket me fekk i fjor.

Kampane startar rundt kl 1200. Me treng tilskodarar i tillegg til spelarar, så møt fram til spanande oppgjer og triveleg samver.

Luis er primus motor for dette opplegget.