Styremøte i klubbhuset 3.9.2010 kl 1900-2030

Til stades var Bjarte, Hans Simon, Kristoffer, Luis og Ron.

Saker;

1. Husleigekontrakten med VG vart gjennomgått. Fleire ønskje frå VG vert tekne inn, men me vil halda på 2 årsregelen med automatisk fornying. Her ville VG ha 10 års kontrakt, men først må me bli samde om renoverings-/ombyggingsplanane deira(og våre).

2. Hallsaka. Kristoffer opplyste at "sjefen" for hallselskapet i Polen kjem til Stord i slutten av september på synfaring. Då må kommunen sine folk vera med, og Tufteland levera endringsmelding i høve til dei planane me fekk godkjend.

3. Stordmeisterskapen 2010. Trekkinga vart gjennomført og lagt ut på nettstaden/slått opp på tavla. Det vert berre klasse A, med 12 deltakarar.

4. Kurs. Førebels har me berre ein trenar - Bjørn Stokken - som kan ta barn 10-14 på tysdagar mellom kl 17 og 18. Me jobbar for å få til fleire tilbod om kurs i haust og vinter.

Referent: Hans Simon