Fredag 6.8 var det eit kort styremøte, der berre Hans Simon, Luis og Ron var til stades. Dei andre hadde ulike grunnar til forfall.

Saker:

1. Websida er oppe att. Klubben er ikkje heilt nøgd med funksjonaliteten og vil sjå seg om etter ei betre løysing.

2. Etter dei siste innbetalingane har me no i overkant av 50 medlemer. Talet tek omsyn til at familiekontingenten kan innehalda 4 personar. Dette er ein liten auke i forhold til fjorårets medlemstal.

3. Husleiga barnehagen betalar vil frå august bli oppjustert i høve til konsumprisindeksen, og kostnad for kommunale avgifter vil bli lagt til, slik ein vart samde om på møte med barnehagen i mai. Leiga vil då bli ca kr 6 tusen pr månad. Evt endringar i drifta/avtalen mellom oss og barnehagen må gjerast seinare. Me har våre ønskje om endringar og barnehagen har sine, og då må me prøva å bli gjera det beste ut av det, for begge partar.

4. Stordmeisterskapen står for døra, og me må få opp lister for påmelding. Det må også vera høve til å melda seg på via e-post og tlf. Inntil vidare tek Luis seg av arrangementet. Me tek sikte på ei meir effektiv avvikling av meisterskapen i år.

Referat: Hans Simon